User Rating:  / 1
PoorBest 

హృదయ కవాటం తెరుచుకుంది

అరుణోదయ కాంతి తాకగానే

నులివెచ్చని ఆశ చిగురించింది

హరిదాసు కీర్తన వినగానే

నెలవంకను మధ్యన నిలిపి

తనచుట్టూ రంగవల్లులు వేసి

చలితో ముడుచుకున్న చెట్లను చూసి

చన్నీళ్ళ స్నానం ముగించి

వడివడిగా గుడివైపు నడుస్తుంటే

తిరుప్పావై పఠనం శఠారి లా పనిచేసింది

స్థిరమెరిగిన బుద్ధి మనస్సుని మెప్పించింది

మంచుబిందువొకటి సరస్సుతో సంగమించింది

వికసించిన కమలం స్వచ్చతను చాటింది

కడిగిన మంచి ముత్యాలా?

కావవి కన్నెపిల్లల కదలికలు

హరిసన్నిధి లో పూర్ణేందువదనాలు

భానుడికి పలుచంద్రుల పలకరింపులు

పోతన్న పద్యం మధ్యలో ....

నమ్మితి నామనంబునసనాతనులైన ఉమామహేశులన్.

మిమ్ము పురాణ దంపతుల మేలు భజింతుగదమ్మమేటి పె.

ద్దమ్మ! దయాంబురాశివి గదమ్మ! హరిన్ పతి సేయుమమ్ము !

నిన్. నమ్మిన వారి కెన్నటికి నాశములేదు గదమ్మ!ఈశ్వరీ!”

భక్తి పారవశ్యంలో కౌమార వేదాంతం

భారతీయ వివాహ వ్యవస్థకు మూలస్థంభం

అపార విశ్వాసం అకుంఠిత దీక్ష

కలగలిపి ఆచరించె కాత్యాయనీ వ్రతం

Add comment

* Please use the forum for healthy discussions.
* Comments should be in-line with the subject matter
* Please refrain from comments of abusive, vulgar, derogatory, racist, sexist nature.


Security code
Refresh